Шийдвэрийн дэлгэрэнгүй

Шийдвэрийн төрөл Шүүгчийн захирамж
Oгноо 2014-08-12
Дугаар 5410
Хэргийн индекс 101/2015/06582/И
Шүүх Баянзүрх, Сүхбаатар, Чингэлтэй дүүргийн Иргэний хэргийн анхан шатны шүүх
Шүүгч Эрдэнэчимэгийн Энэбиш
Нэхэмжлэгч Скайтел ХХК
Хариуцагч Ч.Энхцэцэг
Гуравдагч этгээд
Маргааны төрөл Худалдах-худалдан авах болон арилжааны гэрээ
Хүчинтэй эсэх Тийм
Шийдвэрийн товч

 

 

 

 

 

 

 

 

 

 

 

 

 

Зохигчдын эвлэрлийн баталж, хэргийг

хэрэгсэхгүй болгох тухай

 

Баянзүрх, Сүхбаатар, Чингэлтэй дүүргийн иргэний хэргийн анхан шатны шүүхийн шүүгч Э.Энэбиш би,

Нэхэмжлэгч: Сүхбаатар дүүргийн 1 хороо, Чингисийн өргөн чөлөө-9-д оршин байрлах, Скайтел ХХК-ийн нэхэмжлэлтэй,

Хариуцагч: Сүхбаатар дүүргийн 20 дугаар хороо, Цолмон 4-23 тоотод оршин суух, Чойдоржийн Энхцэцэгт холбогдох,

Худалдах худалдан авах гурван талт  гэрээний төлбөрт 409,000 төгрөг гаргуулах тухай хэргийг хянаад

 

ТОДОРХОЙЛОХ НЬ :

 

Нэхэмжлэгч Скайтел ХХК, түүний төлөөлөгч Ч.Нямцоож шүүхэд гаргасан нэхэмжлэлдээ болон тайлбартаа:  Скайтел” ХХК-ний Нийслэлийн 58 дугаар дунд сургуультай 2012 оны 12 дугаар сарын 12-ны өдрийн байгуулсан 95/02 тоот “Худалдах, худалдан авах гурван тал гэрээ”-ний дагуу тус сургуульд багшаар ажиллаж байсан Ч.Энхцэцэг нь 480.000 |дөрвөн зуун наян мянган төгрөгийн үнэ бүхий ZTE Tab, Modem-ыг зээлээр худалдан авсан байдаг. Тэрээр төлбөрөө бүрэн төлж барагдуулаагүй байна. Иймд гар утасны төлбөрийн үлдэгдэл болох 400.000 төгрөгийг Ч.Энхцэцэгээс гаргуулж өгнө үү. Гар утасны үлдэгдэл болох 400.000 төгрөг, нотариатын үйлчилгээний хураамжинд төлсөн 9.000 төгрөг, нийт 409.000 төгрөгийг хариуцагчаас гаргуулж өгнө үү. Хариуцагч Ч.Энхэцэцэгтэй эвлэрлсэн, эвлэрийн гэрээ байгуулсан тул хэргийг хялбаршуулсан журмаар шийдвэрлэж өгнө үү гэжээ.

Хариуцагч Ч.Энхцэцэг шүүхэд гаргасан тайлбартаа: Скайтел ХХК-ны миний биед холбогдуулан гаргасан нэхэмжлэлтэй холбоотой асуудлаар нэхэмжлэлийн итгэмжлэгдсэн төлөөлөгчтэй уулзаж нэхэмжлэлийн шаардлагыг бүхэлд нь хүлээн зөвшөөрч эвлэрлийн гэрээ байгуулсан байна. Иймд хэргийг хялбаршуулсан журмаар шийдвэрлэж өгнө үү гэжээ.

Зохигчдоос шүүхэд ирүүлсэн эвлэрлийн гэрээндээ: Энэхүү гэрээний 1.1-д заасан нэхэмжлэлийн шаардлага болох гэрээний үлдэгдэл төлбөр 400.000 | төгрөг, нотариатын үйлчилгээний хураамжинд авсан 9.000 төгрөг буюу нийт 409.000 төгрөгийн нэхэмжлэлийн шаардлагыг хариуцагч хүлээн зөвшөөрч төлж барагдуулна. Хариуцагч нь талуудын эвлэрэн тохиролцсон үнийн дүн болох нийт 409.000 төгрөгийг дараах хуваарийн дагуу төлөхөөр тохиролцов. Үүнд:

136.000 төгрөгийг 2015 оны 9 дүгээр сарын 25-ны өдрийн дотор,

136.000 төгрөгийг 2015 оны 10 дүгээр сарын 25-ны өдрийн дотор,

137.000 төгрөгийг 2015 оны 11 дүгээр сарын 25-ны өдрийн дотор тус тус нэхэмжлэгч “СКАЙТЕЛ” ХХК-ийн Худалдаа хөгжлийн банкны 499134688, Хаан банкны 5038003478, Голомт банкны 1102964622 тоот төгрөгийн дансанд төлж барагдуулхаар үүрэг хүлээв гэжээ.

ҮНДЭСЛЭХ НЬ:

 

Нэхэмжлэгч Скайтел ХХК нь хариуцагч Ч.Энхцэцэгт холбогдуулан 409,000 төгрөг гаргуулахаар нэхэмжлэл гаргажээ.

Хэрэг хянан шийдвэрлэх ажиллагааны явцад хариуцагч Ч.Энхэцэцэг нь нэхэмжлэлийн шаардлага болох 409,000 төгрөгийн 136.000 төгрөгийг 2015 оны 9 дугаар сарын 25-ны өдрийн дотор, 136.000 төгрөгийг 2015 оны 10 дугаар сарын 25-ны өдрийн дотор, 137.000 төгрөгийг 2015 оны 11 дугаар сарын 25-ны  өдрийн дотор нэхэмжлэгч Скайтел ХХК-д төлж барагдуулахаар эвлэрсэн байна.

Зохигчийн эвлэрэл нь Иргэний хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй байх тул Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-д зааснаар талуудын эвлэрлийг баталгаажуулах нь зүйтэй гэж шүүх үзэв.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 75 дугаар зүйлийг удирдлага болгон

 

ЗАХИРАМЖЛАХ НЬ:

 

1. Скайтел ХХК-ийн нэхэмжлэлтэй, Ч.Энхцэцэгт холбогдох 409,000 төгрөг гаргуулах иргэний хэрэгт хариуцагч Ч.Энхэцэцэг нь 136.000 төгрөгийг 2015 оны 9 дугаар сарын 25-ны өдрийн дотор, 136.000 төгрөгийг 2015 оны 10 дугаар сарын 25-ны өдрийн дотор, 137.000 төгрөгийг 2015 оны 11 дугаар сарын 25-ны  өдрийн дотор нэхэмжлэгч Скайтел ХХК-д төлж барагдуулахаар эвлэрсэн байх тул зохигчдын эвлэрлийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.4, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгчийн улсын тэмдэгтийн хураамжид төлсөн 12920 төгрөгийн тал хувь болох 6460 төгрөгийг улсын орлогоос, хариуцагч Ч.Энхцэцэгээс 6460 төгрөгийг тус тус гаргуулж нэхэмжлэгч Скайтел ХХК-д олгосугай.

 

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар маргааныг хялбаршуулсан журмаар шийдвэрлэсэн тохиолдолд талууд давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

4.Энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгүүлэхийг мэдэгдсүгэй. 

 

 

 

ШҮҮГЧ                                     Э.ЭНЭБИШ

Шийдвэр бүрэн эхээрээ
Шийдвэрийг бүрэн эхээр нь үзэхийн тулд манай сайтад нэвтэрсэн байх шаардлагaтай.
Ta энд дарж нэвтэрнэ үү.

Энэ хэргийн бусад шийдвэрүүд

Өөр шийдвэр байхгүй байна.