Шийдвэрийн дэлгэрэнгүй

Шийдвэрийн төрөл Шүүгчийн захирамж
Oгноо 2014-06-02
Дугаар 4753
Хэргийн индекс 101/2015/06315/И
Шүүх Баянзүрх, Сүхбаатар, Чингэлтэй дүүргийн Иргэний хэргийн анхан шатны шүүх
Шүүгч Эрдэнэчимэгийн Энэбиш
Нэхэмжлэгч Голомт банк
Хариуцагч И.Монголжин
Гуравдагч этгээд
Маргааны төрөл Банкны зээл
Хүчинтэй эсэх Тийм
Шийдвэрийн товч

 

 

 

 

 

 

 

 

 

 

Зохигчийн эвлэрлийг баталж, хэргийг

хэрэгсэхгүй болгох тухай

 

Баянзүрх, Сүхбаатар, Чингэлтэй дүүргийн иргэний хэргийн анхан шатны шүүхийн шүүгч Э.Энэбиш би,

Нэхэмжлэгч: Чингэлтэй дүүргийн 1 дүгээр хороо Их эзэн Чингис хааны нэрэмжит талбай-3, Голомт банкны төв байранд оршин байх “Голомт банк” ХХК /РД: 2075377/-ийн нэхэмжлэлтэй,

Хариуцагч: Баянзүрх дүүргийн 8 дугаар хороо, Улаанхуаран 8-209 тоотод оршин суух Ишгалдангийн Монголжин /РД: СТ74041213/-д холбогдох

2,502,390.7 төгрөг гаргуулах нэхэмжлэлтэй иргэний хэрэгт зохигчийн шүүхэд гаргасан эвлэрлийн гэрээг хянаад

ТОДОРХОЙЛОХ нь:

 

Нэхэмжлэгч шүүхэд гаргасан нэхэмжлэлдээ: Иргэн И.Монголжин нь “Чингис шар айраг” ХХК-д ажиллаж байхдаа буюу 2013 оны 09 дүгээр сарын 19-ний өдөр Голомт банктай ЗГ1105080354 дугаартай “Зээл болон барьцааны гэрээ”-г байгуулан 3,600,000 төгрөгийг 24 сарын хугацаатай, жилийн 21,6 хувийн хүүтэйгээр зээлж авсан. Цаашид зээлийг төлөх эх үүсвэр тодорхойгүй байх тул талуудын хооронд байгуулсан “Зээл болон барьцааны гэрээ”-ний дагуу төлөх үндсэн зээлийн үлдэгдэл 2,168,568.21 төгрөг, үндсэн хүү 333,822.49 төгрөг, нийт 2,502,390.7 төгрөгийг гаргуулж өгнө үү.

Хариуцагч И.Монголжин нь нэхэмжлэлийн шаардлагыг бүрэн хүлээн зөвшөөрсөн байх тул хэргийг хялбаршуулсан журмаар шийдвэрлэж өгнө үү гэжээ.

Хариуцагч шүүхэд гаргасан тайлбартаа: И.Монголжин миний бие “Голомт банк”-ны 2,502,390.7 төгрөг гаргуулах нэхэмжлэлийн шаардлагыг бүхэлд нь хүлээн зөвшөөрч байна. Уг төлбөрийг 2015 оны 07 дугаар сарын 20-ны өдрийн дотор 834,131 төгрөгийг, 2015 оны 08 дугаар сарын 15-ны өдрийн дотор 834,130 төгрөгийг, 2015 оны 09 дүгээр сарын 15-ны өдрийн дотор 834,130 төгрөгийг төлж барагдуулна. Иймд хэргийг хялбаршуулсан журмаар шийдэж өгнө үү гэжээ.

 

ҮНДЭСЛЭХ нь:

 

Нэхэмжлэгч “Голомт банк” ХХК хариуцагч И.Монголжинд холбогдуулан 2,502,390.7 төгрөг гаргуулах нэхэмжлэлийн шаардлага гаргажээ.

Хэрэг хянан шийдвэрлэх ажиллагааны явцад нэхэмжлэгч, хариуцагч харилцан тохиролцож эвлэрлийн гэрээ байгуулжээ.

Хариуцагч И.Монголжин нь 2,502,390.7 төгрөгийг 2015 оны 07 дугаар сарын 20-ны өдөр 834,131 төгрөгийг, 2015 оны 08 дугаар сарын 15-ны өдөр 834,130 төгрөгийг, 2015 оны 09 дүгээр сарын 15-ны өдөр 834,130 төгрөгийг тус тус төлж барагдуулахаар харилцан эвлэрсэн байна.

Зохигчийн эвлэрэл нь Иргэний хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй байх тул Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-д зааснаар талуудын эвлэрлийг баталгаажуулах нь зүйтэй гэж шүүх үзэв.

Зохигч эвлэрсэн нь улсын тэмдэгтийн хураамжийг тал хувиар бууруулж тооцох үндэслэл болох тул Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар улсын тэмдэгтийн хураамжийг хуваарилах нь зүйтэй.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 75 дугаар зүйлийг удирдлага болгон

ЗАХИРАМЖЛАХ нь:

 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар хариуцагч И.Монголжин, нэхэмжлэгч “Голомт банк” ХХК-ийн нэхэмжилсэн 2,502,390.7 төгрөгийг 2015 оны 07 дугаар сарын 20-ны өдөр 834,131 төгрөгийг, 2015 оны 08 дугаар сарын 15-ны өдөр 834,130 төгрөгийг, 2015 оны 09 дүгээр сарын 15-ны өдөр 834,130 төгрөгийг тус тус төлөхөөр эвлэрсэн эвлэрлийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.4, 74 дүгээр зүйлийн 74.5-д зааснаар нэхэмжлэгч “Голомт банк” ХХК-аас улсын тэмдэгтийн хураамжид төлсөн 54,988 төгрөгийн тал хувь болох 27,494 төгрөгийг улсын орлогоос, хариуцагч И.Монголжингоос 27,494 төгрөгийг тус тус гаргуулж нэхэмжлэгч “Голомт банк” ХХК-д олгосугай.

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар маргааныг хялбаршуулсан журмаар шийдвэрлэсэн тохиолдолд талууд давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

4. Энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгүүлэхийг мэдэгдсүгэй.

 

 

 

ШҮҮГЧ                                               Э.ЭНЭБИШ

Шийдвэр бүрэн эхээрээ
Шийдвэрийг бүрэн эхээр нь үзэхийн тулд манай сайтад нэвтэрсэн байх шаардлагaтай.
Ta энд дарж нэвтэрнэ үү.

Энэ хэргийн бусад шийдвэрүүд

Өөр шийдвэр байхгүй байна.